Fryma poetike e së mërkurës me poeten;-Donika Stasa DOMI

KUSH MA SHKROI VARGUN ?!

———————————————–

Kush ma shkroi vargun

mendja apo shpirti ,

që aty mbi fletë

fjalët radhë-radhë

si t’ishin dasmorë

në valle mi nisi ?!

Se e nisi vallen ,

herë me shumë ngut

e herë shtruar-shtruar ,

dhe zbriti ndër fjalë ,

lumin shkumë e valë

duke gurgulluar .

Dhe këngën ma shkroi

në muret e zemrës ,

e dritën e gëzimit

sikur drit’n e yllit ,

butë – butë ma uli

në krahun e syrit .

E kam gjak në deje

çdo gërmë , çdo fjalë,

herë shpërthim ngjyrash

herë borë mbi mal ,

e kam balonë ëndrrash

që më ngre mbi re ,

tingull…

dritë të bardhë ,

të vet qenies sime

e kam drithërimë ,

notë të ngrohtë-frymë

derdhur mbi tastierë ,

në tempull të shpirtit

më zbret vetë magjinë .

Kush ma shkroi vargun ,

oh jo…nuk ka rëndësi ,

sa herë që shtrin flatrat

të rrëmbejë fjalët ,

ditës mi jep ngjyra

e në fron të zemrës

më bëhet perëndi .

Donika Stasa /www.QendraPress.com/