Fryma poetike e së mërkurës me poeten;-Esmeralda BREGAJ

Ra një yll në buzë

————————-

Ra një yll te buza e përroit,

Lehtas, pa goditur,

Bukur zbukuruar,

Me vetullat ngritur.

Ra, e zë nuk tha,

Ra, e shenjë nuk la,

Ra… dhe u ngrit në këmbë,

Si mali kur rrufeja e zë si gjemb.

Aty seç u verbua

Nga një zanë mali,

Ia lagu buzën me ujë përroi,

Ia preku zemrën që digjte si patkoi…

Dogji e përveloi,

E zë nuk çoi.

Erdhi pëllëvesha,

E bukur si vesa,

Me ngjyra ylberi,

Vezullonte si dritë dielli.

Ra një yll

Në bekime,

Me shije e gabime.

Shpesh kur bie, s’e di ç’kucka të sjell përroi,

Por po nuk u hodhe,

kthehesh në kuckë dhe jeta të harroi.

Ylli ra në buzë,

Dhe buza e shëroi.

/QendraPress/