Fryma poetike e së mërkurës me poeten:-Fatbardha Xhani MYSLIMAJ

I PATA THËNË

————————-

Unë i dola borxhit

mos u dashuro, i thashë

rrimë kështu pa u prekur,

t’i lemë zemrat rehat të rrahin…

Sepse gratë si unë,

dinë t’i çojnë gjërat deri në fund

e fundin e këtij oqeani s’e dimë…

Notojmë më mirë

në ujëra të qeta miqësie,

sepse ti, më dukesh flakë përvëluese

e unë flutur nate

mund t’i djeg krahët…

Por ai

mësuar me flutura ish,

i kish gishtat plot push të hollë

e mburrej shokëve me to,

Tani

ndjen dhembje për krahëzit

që u dogjën pa i prekur

në flakën e mendimeve të bukura

e mbetur peng i tyre

dëgjon i nemitur

kur i them:

Të pata thënë:

mos u dashuro me mua

sepse lloji im

digjet,

e djeg

harrimin….

/QendraPress/