Fryma poetike e së mërkurës me poeten;-Flora TEMAJ

Laramania

———————————

Është thënë dhe nuk e mohoj dot,

njeriu nuk u krijua me shkop,

në të ndodhet forca dhe dobësia,

mirësia dhe hipokrizia.

Se ka dhe laramanë,

që pa dhimbje shkelin dynjanë,

pa djersë të ballit e hanë bukën,

as nuk turpërohen as nuk skuqen.

Ka dhe nga ata që qeshin nën hije,

mbase dielli nuk u bie në krye.

Disa bredhin udhëve të botës kuturu,

jo të gjithë janë turistë që dalin nga dëshira,

ata quhen të “çmendur”,

mbase ikin nga laramania.

/QendraPress/