Fryma poetike  e së mërkurës me poeten;-Katiola KAROLI

Gënjeshtra!

——————————-

Gënjeshtra e pritjes, premtimit bosh.

Nesër… ndoshta pasnesër… ndoshta kurrë.

Rrahjet e zemrës ndjekin ritmin e kohës,

Një orë e vjetër lëngon në mur.

Dhe ditët vriten — një nga një…

Shikimi tretet në hapësira boshe.

Pritja e ëmbël kthehet në pelin,

Një trup pa jetë rrëzohet në qoshe.

Bota vazhdon rrotullimin e saj,

Ende shpreson, ende beson verbërisht.

Harrojmë sa njerëz i mbyt zhgënjimi,

Sa shpirtra e trupa treten në vetmi.

/QendraPress/