Fryma poetike e së mërkurës me poeten;-Laureta MALAJ
Kthehuni bijt e nënës !
———————————
Do kthehem moj nëna ime
n’atë vend ku unë kam lerë,
Rrugicat mbushur me lule
t’i gëzoja dhe njëherë.
Do kthehem moj nëna ime
se aty qanë dhe vatani,
Sa herë që unë e kujtoj
përnjëherë më dridhet xhani.
Dyert hapur nëpër botë,
presin nënat djemtë e tyre.
O kurbet qofshë i mallkuar
se shumë nëna i sëmure.
Nëpër botë si të përhumbur,
errësira ka zënë vend.
Loti nënës tharë në sy
dhe asnjë nuk e përmend.
Sa i fort qenka njeriu
dhe jeton me dhimbjen brenda.
Kthehuni o bijtë e nënës
se s’ju ka harruar nëna.
Plaga ngelet gjithmonë hapur
gjithandej nëpër botë.
Oqean është krijuar
me zemrat që derdhin lot!
/QendraPress/
