Fryma poetike e së mërkurës me poeten;-Marjola SALATAJ
ATY MBETI ZEMRA
********************
Veç disa muaj kaluan nga ajo ditë
Ku u riktheva mes mallit që zemrën lëndonte
Aty në vendin tim ,ku aromë mban dhe guri
Ku sytë dashurohen me gjithçka të asaj toke.
Koha si fshiu vitet e pritjes së gjatë
E lutjeve në heshtje të netëve pafund .
Ngarkuar përplotë me zjarr dashurie
E derdha rrëmbyeshëm si rrjedha mbi lumë.
Gëzimi më shihej në çdo qelizë timen
Akulli u shkri nga zjarret e shpirtit .
Mbi supe aromën e gjithçkaje e hodha
Në një fëmijë të gëzueshëm u gjenda papritur.
Fluturuan ditët e unë zogu shtegëtar
Mu dukë se koha ditët mi treti .
Udhëtare tashmë isha mes dy botëve
Por zemra sedi në atdhe më mbeti.
/QendraPress/
