Fryma poetike e së mërkurës me poeten;- Mimoza Panahori XHINDI

Arsyeja e buzëqeshjes time

————————————————-

Në dritën e syve të tyre ndriçon shpresa

Cdo hap i tyre më sjell paqe .

Ata janë si agimi që më zgjat dorën e ngrohtë,

në botën time janë qiell, janë tokë.

Kur qeshin, më lulëzon zemra e lodhur

harroj dhimbjet, harroj çdo ditë të zymtë.

Çdo përqafim i tyre është bekim i shenjtë

Cdo fjalë e tyre më kthen në fëmijëri të kthjellët.

Janë dritaret ku shoh të ardhmen me ngjyra,

me ta, jeta ka kuptim dhe rruga bëhet më e butë.

Janë vargje të gjalla në poezinë e shpirtit tim

Janë dhuratë nga Zoti, dritë në çdo agim.

S’më duhet pasuri, as lavdi e as famë,

kur fëmijët e mi janë mirë, jam mbret në çdo anë.

Me ta qesh, me ta lotoj, me ta jetoj e plotë

Fëmijët janë arsyeja e buzëqeshjes sime në çdo kohë.

/QendraPress/