Fryma poetike e së mërkurës me poeten:-Mimoza Panahori XHINDI

Pasuri e vërtetë

—————————–

Nuk është floriri që na bën të pasur

As shtëpitë e mëdha me dritare kristali.

Pasuria rri thellë në frymën që marrim

Në zemrën që rreh pa dhimbje e pa ankth.

Kur zgjohemi mëngjesit dhe ndjejmë trupin e lehtë

Kur ecim pa dhimbje, kur qeshim pa forcë

Kur sytë shohin, duart përqafojnë

Aty jemi të pasur — më shumë se çdo mbret.

Çdo gjë tjetër është luks që vjen e shkon

Makina, rrobat, shkëlqimi i jashtëm.

Por shëndeti? Ai është themeli i jetës

Një dhuratë që nuk blihet, as nuk fitohet me fjalë.

/QendraPress/