Fryma poetike e së mërkurës, me poeten;-Natyra MAVRAJ

Ku je…?

—————–

Je bërë flutur që më ndjek nëpër kujtime,

shkëndijë që ndizet kur mbyll sytë.

]Po noton mbi rrugët që na mbajnë mend,

]po ecën zbathur mbi erën që më puth lëkurën.

Fle brenda shushurimës së flladit,

je aromë e heshtjes në çarçafët bosh,

je dritë që s’më ngroh dot…

por më djeg.

Unë pres.

Nuk lëviza,

nuk ikja.

Zemra ime i rri orë dashurisë sate.

Por nëse nuk vjen, më thirr!

Unë vij.

S’i njoh as largësinë,

as mendjen.

Hidhem në krahët e tu,

e notoj mbi shpirtin

tënd si një e humbur,

që e gjen veten vetëm në ty.

Ku je…?

A e ndjen thirrjen time?

/QendraPress/