Fryma poetike e së mërkurës me poeten:-Shyrete DEMAJ

Poeti nuk vdes!

————————–

Poetit nuk i mjafton drita

e ditëve të zymta,

ku lumturia nuk zgjohet me sytë e diellta.

Me dhimbje,

ndez vetëtima

si fije shkrepëse në errësirë.

Shpirti mbledh kujtimet

në krahë pulëbardhe.

Hap portat e qiejve engjëlli me krahë zogu.

Poeti nuk vdes,

hyjshëm shkon rrugës së qumështit,

dhe yjet përkulen para shkëlqimit të tij.

/QendraPress.com/