Fryma poetike e së mërkurës me poeten;-Vilma NIKA

Kur shpirti dashuron.

—————————-

Një shpirt ka frymë

ka zë,ka jetë…

ka dritë kur errësira zhytet

në skaje t’përfundme.

Një shpirt ka rrahje

ka ëndje ti prekë

qoftë dhe për pak

do ëndrra t’përgjume.

Një shpirt flet heshtur

ashtu si flet sysh,

një botë të verbër

dhe shuhet gjalluar.

Një shpirt është ajër,

është ethe e trishtë,

kur pritjen e sheh larg

për tu dashuruar!

/QendraPress/