Fryma poetike e së mërkurës me poeten;-Vjollca ALIAJ

Të puth në ëndërr

——————————–

Vjen më puth drejt e në ëndërr

Nga ç’galaktikë ke zbritur vallë

Nëpër qerpikët e zhuritur

Më merr pak frymë, më le ca zjarr.

Kur avullojnë të gjitha shirat

Kur stinët vdesin në vetmi

Si ta di nëse je ardhje

A ikje je, si mund ta di.

Më merr ca frymë, më le ca mall

Nga ç’galaktikë ke zbritur ti

S’di në je ardhje, a je ikje

Ndoshta kometë, si ta di.

Vij të puth drejt e në ëndërr

Nga ç’galaktikë kam zbritur vallë

Kur stinët vdesin në vetmi

Të marr ca frymë, të le ca zjarr.

/QendraPress/