Fryma poetike e së mërkurës me poetin:-Abaz QENGAJ

Prehja ime

————————-

u ndjeva i prekur

atë natë me shi

që s’pata metelik në xhep

më kujtohet fare mirë

u përkula para jush

shkelqësi

dhe vura dorën në zemër

e gishtin në kokë

u përplasa para jush

më ra terri në sy

në ngrohtësinë e fjalëve

dhe shpirtit tënd

gjeta prehjen time

E në bebëzat e syve të tu

pashë kaltërsinë dhe qiellin

pashë dhe shkënditë e para të dashurisë

ani pse ti me gojë

s’më thua se më do

edhe sot

më mbulon ankthi

i asaj nate me shi

/QendraPress/