Fryma poetike e së mërkurës me poetin;-Abdullah BLAKÇORI

NUK DUA-DUA

———————————

Nuk dua t’i ngjash valës

Që ik në largësi

Por dua t’i ngjash diellit

Që na jep ngrohtësi

Nuk dua t’i ngjash natës

Që shpërndan veç terr

Por dua t’i ngjash agimit

Që në flatra më merr

Nuk dua t’i ngjash lotit

Që kurrë s’ka fajësi

Por dua t’i ngjash mallit

Që për Ty e shkri

Nuk dua t’i ngjash vjeshtës

Që gjethet i shkund

Por dua t’i ngjash këngës

Që vuajtjen e mund

Nuk dua t’i ngjash vapës

Që lulen e than

Por dua t’i ngjash frymës

Që të gjallë më mban…!

/QendraPress.com/