Fryma poetike e së mërkurës me poetin;-Asllan MIFTARI
MBURRJA DHE LËVDATA
—————————————-
Pa reshtur kam shkruar për nënën
Ndonëse thonë ka shkruar Esenini
Për nënën, muzat nuk shterohen
Siç nuk shteron uji, që del nga burimi !
Poet me famë nuk jam, si Esenini
Se të tillë lindin rrallë herë
Jam vargshkronjës që shpreh ndjesinë time
Vargshkronjës ndoshta, si shumë të tjerë…!
E disata herë kjo që shkruaj për nënën
E pa reshtur do të shkruaj përherë
Se nëna mbart në zemër, dashuri e mall
Loti saj tundon këtë botë të nderë !
Kam shkruar e do të shkruaj për nënën
Gjersa të marrë fund, kjo dramë largimi
Dhe kur bie qetësi e natës e fle dhe Zoti !
Te dera pret nëna me lot mallëngjimi !
Kam shkruar e do të shkruaj dhe për babanë
Se babai është kolonë dhe mburojë e shtëpisë
Kolonë e mburojë, siç është babai
Vlerë për familjen dhe edukimin e fëmijës !
Pa reshtur do të shkruaj, për nënën e babanë
Do të shkruaj, çfarë thotë ndjenja ime
Pa parë askënd, ç’ mendon e shkruan
Ky është nderi dhe dëlirësi e penës sime !
Kam shkruar e do të shkruaj dhe për gjuhën
Gjuhë e bukur dhe e dlirë e vendit tim
Do të shkruaj, çfarë thotë ndjenja ime
Ndonëse nuk jam si Mjeda, Fishta e rilindasi Naim !
Kam shkruar e do të shkruaj dhe për dashurinë
Se pa dashuri, njeriu do të ishte askushi
Do të shkruaj, çfarë thotë ndjenja ime
Ndonëse nuk jam poet si Lasgushi !
Ndaj nuk shkruaj për mburrje
As për lëmoshë, para e lëvdata
Shkruaj se më zgjon një zë nga LART!
E dritë i bëhet penës, dhe kur erret nata !
Do të shkruaj pa reshtur, për nënën e babanë
Për dashurinë dhe gjuhën e dlirë të vendit tim
Do të shkruaj, ndonëse nuk jam me famë
Si Mjeda, Fishta, Lasgushi, Esenini e rilindasi Naim !
Copyright@Asllan Miftari
28 Mars 2025
/QendraPress/
