Fryma poetike e së mërkurës me poetin;-Destan UKAJ
GJURMË NË MEMORJE
( Fëmijëve të rritur rreth lumit)
———————————————
Në jetë gjurmë lam u rrëzuam, por u ngritëm prap
Me ëndrra dhimbje e shpresë
U rritëm pa fëmijëri si burra të vërtetë.
Lam gjurmë në baltë e gur
Në qanta me fletore e harta
Libra të historisë së thata
Mësuam se sllavët ishin të lashtë, stërgjyshit tanë.
Bankat lëshonin klithma kur shtrembërohej historia .
Vitet kishin pre lisa, ne kishim mbetur filiza.
Diell e hënë i zinte kisha
Ne na bashkonte zilja nga dy anët e lumit
Me laps e letër historinë e re shkruanim
Kur erërat e borë frynin në dhjetor
Lumi ngrihej maxhet fshiheshin, fshisë nga ” poreznik*
Milicë e pushtetar na pyesnin
-Kush ka armë?!
Në klasën e ngrirë nën fotografi
Pam gjurmë gjaku … I ati që pushkë nuk pati !
Brezi im lirinë e kishim sinonim
Dhjetori i’a ngriu klarinetin Qazimit
Po, në dhjetor si një meteor ra Idrizi .
Pa u gjelbru Sukali ra ushtar Murati.
Për ata që s’jan Lamtumirë u tham
Mirëmëngjes atyre që vijnë .
Ne që ecëm zbath gjurmë lam në baltë.
Ecëm në tehun e ndryshkur të sopatës.
Gjenerata do të kthehen tek ujëvarat.
Tek bilbilat mbajnë ligjerata
Ju heshtazi kaloni
Gjumin mos na trazoni.
