Fryma poetike e së mërkurës me poetin;-Gëzim AJGERAJ

Turbulencë

———————

Verbër ecë dhe koha mbi kohë

shpesh errësohet dhe qielli verbon

përtej hijes së territ ikën e fshihet drita

etje e marrë ngjallë për shkëlqimin e saj

në mos ajo që na mungon duhet kërkuar

apo shkëlqimi i saj na i ndezë dëshirat e etjes

eh, kjo vegulli mashtrimi mbi kokat tona

turbulencat e epokës mbjellin terr mbi dritë

së bukurës i ka rënë shëmti e errët mbi horizont

verbërisë i ha hyrë në palcë egoja e etjes mashtruese

kot shpërndarësit e dritës u fryjnë mullinjve të erës

as ndjekësit e rrezeve më s’i sheh kush

ata përditë nëpër arenën e mendimit ndezin kandil

edhe veten e djegin për dritën e të tjerëve

po kush s’i sheh kësaj verbërie të turbullt

a mos mbi ne ka rënë kobi i mortjes

kur fle i urti vdes drita e së ardhmes

/QendraPress/