Fryma poetike e së mërkurës me poetin:-Mehmet RREMA

GATUAN DHIMBJE PËR TË TJERËT

——————————————–

Mos qesh me lotët e mi të nxehtë

Ata djegin dhe shkrijnë gurin

Burojnë nga vullkani i zemrës sime

Që padrejtësia e shekullit më shkaktoi

Nëse fjalën e drejtë nuk mund ta thuash

Sepse gojën ta ka kyçur ligësia

Më lerë të shkoj tek e nesërmja ime

Në rrugën që zgjodha nga ti asgjë nuk dua

Mos qëndro me duar në magje duke gatuar ligësi

Sepse bota thonë është e rrumbullakët

Ato që gatuan për të tjerët

Pa dashur vetë mund ta hash

Gatuan dhimbje për të tjerë

Me brumë të mykur, të mendjes sate

Qesh, qesh sa shumë gëzon

Kur fatkeqësia që mbjell një zemër e plagos.

VIZATOJ

——————–

Vizatoj, nëpër kreshtat e mjegullës,

Fytyrën tënde

Dhe ja dërgoj diellit

Ta lajë me rreze të arta

/QendraPress/