Fryma poetike e së mërkurës me poetin;-Rexhep F.MORINA

^{HELMON GJITHANDEJ}

^{————————————-}

^{Turfullonte në masë dikur,kalë i harlisur,}

^{Shfaqej në forume,si gjeldet i kapardisur.}

^{Krekosej duke thënë:shenjtori im atdheu,}

^{Por besën dhe premtimet të gjitha i theu.}

^{I shkeli me këmbë dhe me kompetencë,}

^{Vepron i harbuar me shumë prepotencë.}

^{Mburret ai dhe lartëson skeptrin si mbret,}

^{Me armën injorim,të tërë popullin e vret.}

^{Kërcen me qëndrime,tamam si matrapaz,}

^{Herë tregtar i luleve,herë bëhet xhambaz.}

^{Ato fjalë të kullufitura,i kishte si pretencë,}

^{Në këtë dimër të acartë,mbanë konfidencë.}

^{Se si në industri e bënë miellin me çaparoz,}

^{Dhe popullit në racione ia fal nga një dozë.}

^{Ky që ka trurin mediokër,shpirtin kapricioz,}

^{Helmon gjithandej,kur flet dhe merr pozë.}

^{/QendraPress.com/}