Fryma poetike e së mërkurës me poetin:-Sahit F.OSMANI
KËNDOHEN KËNGË NË VENDIN TIM
(22 dëshmorëve dhe 18 martirëve të Qëndresës(Randobravë)
———————————————————–
Këndohen ķëngë në vendin tim
këngë të ngritura për trimat e lirisë
trimat që si rrezet në agim
luftuan kundër territ e robërisë
Atyre dora për asnjë çast s’iu drodh
edhe kur armët shtinin e dridheshin
dhe kur plumbat u qëllonin në kokë
si shkëmbi të lidhur me tokën ishin
Dhe dëgjohej jehona lartë në male
atje ku dielli me ëmbëlsi rrezaton
maje kreshtave me shqipet krenare
ku lulja e rinisë çel dhe në borë…!
E dinin se diçka e re po lind
në gjirin e atdheut stinë pranvere
aty ku lulëkuqet freski lirie pikojnë
flakë e pashuar në përmendore
Me armikun me zërin e armëve folën,
Atdheu për jetët që i falën si me le,
i përjetësoi me dashuri, këngë,
permendore, mirënjohje…
Edhe me emrat e tyre në shkolla e rrugë…
nga të cilat vjen e ardhmja për ne…
/QendraPress/
