Fryma poetike e së mërkurës me poetin: Zymer H.HALITI

TI JETË

—————————

Erdha nga një ëndërr e bukur

e nëpër labirinte

të fshehtën e strukur

nuk e gjeta moj copëz-jete.

E tashmja plot sfida

kujton të shkuarën bardh e zi

dhe të ardhmen e prita

te lumi-jetë që shpie n’pafundësi.

Jeta më mori shumë

edhe rrezet e fundit shpresë

po në kohë ku jam unë

teksa pikas diellin në një pikë vesë.

Jeta me ëndrra shtegton

rrugëve të rrahura ag e terr

derisa fatin e sfidojmë

shpresën e skalitur në mermer.

/www.QendraPress.com/