Fryma poetike  e së mërkurës me poetin;Rexhep  F. MORINA

MUZËN PRES TË VIJ

——————————————–

Si freskinë e ajrit ditës në mëngjes,

Si aromën e luleve e barit me vesë,

Si këngën e zogut që të fal shpresë,

Muzën poetike me ndjenjë e pres.

Si ngrohtësinë që jep rrezja e diellit,

Si bukurinë e zambakut e trëndafilit,

Si jehun magjik t´cicërimës së bilbilit,

Muzën unë e pres,në blerim të prillit.

Si fushat e gjëra me grurë të bleruar,

Si livadhet pafund me tërfil lulëzuar,

Si lisat dhe pemët me sytha bulëzuar,

Muzën pres të vij,me shpirt të gëzuar.

Si gurgullima e lumit me ujin kristal,

Si ushtima e grykës së thellë në mal,

Si përplasja në brigje e detit me valë,

Muzën pres të vij,e të shuaj një mall.

/www.QendraPress.com/