Fryma poetike e së mërkurës nga poetja;-Seti Pezaku VLADI

RRETHIMI

————————————-

Sa herë na rrëshqet buzëve kjo fjalë,

njëherësh një rrudhë ballit na shton;

fjala nuk zezon e tëra në gatim,

ka dhe nektar lulesh që rrjedh e pikon.

I hidhur,

rrethimi tinëzar i armikut,

i kopesë së ujqërve me sytë që therin,

i zjarreve, përmbytjeve,

dramave që dhembin,

i korbave gjakësorë që terr jetës mbjellin.

I ëmbël,

rrethimi i rrënjëve të tokës nënë,

i qiellit të këngëve, ujëvarave të blerta,

i tufës me rreze në sytë e dashuruar,

i djersës kristal derdhur nëpër delta.

Era më solli harresën që harrova,

paradën e servilëve ndezur ngazëllim,

me zarfe korrupsioni pushtetin rrethojnë,

së largu një kambanë sjell tinguj vajtim!

/QendraPress/