Fryma poetike e së mërkurës nga poetja;-Teuta Anif MUJI

DRITËBARDHI IM

————————–

Aromën e pranverës

Edhe në skajin e botës e ndiej

Malli për lulëkuqet më djeg

E shpirti më rri i përvëluar

Edhe mijëra bjeshkë po të jenë

Aromës ia ndiej shijen

Pëllumbat e bardhë kur fluturojnë

Unë, me afshin e shpirtit imagjinoj

Se ai

Ai pëllumbbardhi më je ti

E di se

Edhe ti më shikon

Se unë jam ai filizi

Që sot u bëra degë

Në trungun e ujitur prej gjaku

O Shpirt i bardhësisë së tokës

Ta jap besën se

Sa herë të lulëzojnë pranverat

Aty do të më kesh

E me freskinë e përmallimit për ty

Për ditët e bardha që na i solle

Buqeta lulesh mbëltoj

Pusho në Parajsë

Dritëbardhi im…

/QendraPress/