Fryma poetike me poeten: Sevëme Fetiqi

JEMI TË HARRUAR NË KOHË

———————————————-

Mbetëm shumë vonë shpirt

Jetojmë në një kohë pakohë

Ngjashëm me dëngla të vjetra

Të pluhurosura

Të rrethuara me merimanga

Të mbetura në kulm

Është harruar Dashuria

Si menduam ne

Nuk vdiset më për dashurinë

Romeo e Zhulieta

Përrallë janë bërë kaherë

Unë e ti shpirt jemi

Të një kohe të harruar

Deri në vdekje të dashuruar

Pyetem a thua vallë

Nga gota e kuqe

Cili fatlum ishte ai

Që e piu i fundit

Venën e dashurisë?

Kjo botë le të fundoset

Le të bëhet shkrumb e hi

Nëse është e shkruar

Të mos ketë më dashuri. 

/www.qendrapress.com/