Fryma poetike me poetin:Gëzim AJGERAJ

I HUMBUR NË DYSHIMET

E MËDHA TË MISTERIT TË KOHËS

—————————————————–

Abortit të dhunshëm të shekullit të ri

sheshet na u mbushën

me fjalë të mëdha

bile edhe me përralla për miza

që të na i vinin në gjumë

ëndrrat tona të vogla

nuk e dinim as se besonim

se erërat e populizmit

magjishëm po na flladitnin ëndrrat

ende besonim se kjo filozofi

jetonte diku në shportën e njerëzimit

kujtonim se atdheun e donim

të gjithë njësoj

bile dikush më tepër atje tek lapidarët

dikush më ndryshe

e dikush vetëm me fjalë e pa vepra

e dikush qe besa

edhe për xhep e lëkurë karrigeje

në mos më keq;

shpinë populli

sot nuk di kujt ti besoi

kam mbetur fillikat

në vertikalen e idealit

duke i dëgjuar

fjalamanët e hileve të mëdha

atje tek sheshi

/www.QendraPress.com/