Këmbësoret që u goditën në Obiliq janë nënë e bijë, mjeku kujdestar thotë se gjendja e tyre është shumë e rëndë 

                                  Një aksident trafiku ka ndodhur në Obiliq, ku një automjet ka goditur dy këmbësorë.Sipas mjekut kujdestar në QKUK, Avdush Bajgora, këmbësoret që u goditën janë nënë e bijë.Bajgora ka deklaruar se gjendja e tyre është shumë e rëndë.“Gjendja është shumë e rëndë. Janë nënë dhe vajzë”, tha Bajgora për Express.Rastin për Gazetën Online Reporteri.net e ka konfirmuar zëdhënësja e Policisë për Rajonin e Prishtinës, Florie Ahmeti.Sipas Ahmetit, këmbësorët kanë lëndime të rënda dhe janë dërguar për tretman mjekësor.“Sot rreth orës 19:00 kemi pranuar informatën se në rrugën “Hasan Prishtina” në Obiliq, ka ndodhur një aksident trafiku. Në këtë aksident kanë qenë të përfshirë, dy këmbësorë dhe një automjet. Si pasojë e aksidentit lëndime të rënda trupore kanë pësuar dy persona (këmbësorë) të cilët janë dërguar për tretman mjekësor. Me rastin po merret njësiti i trafikut”, ka deklaruar Ahmeti për Reporteri.net.