Kurti tregon se a do të bashkëpunojë me Listën Guxo për zgjedhjet lokale

Kryetari i Lëvizjes Vetëvendosje, Albin Kurti ka deklaruar në mbledhjen e Këshillit të Përgjithshëm të VV-së se synojnë fitoren në shumicën e komunave në zgjedhjet lokale që do të mbahen në tetor, transmeton Gazeta Sinjali.  

Ai ka thënë se në këto zgjedhje do të bashkëpunojnë edhe me listën “Guxo”.Kurti ka deklaruar se kandidatët për kryetarë, të cilët do të propozohen duhet të jenë të përshtatshëm me qëllim që të pranohen nga qytetarët.  Ai në mes tjerash ka përmendur edhe fitoren në zgjedhjet e fundit në Podujevë, ndërkaq ka porositur aktivistët që të angazhohen më shumë, ngase sipas tij ndaj VV-së është duke u zhvilluar një fushatë e egër politike për dëmtimin e saj.  “Në këto zgjedhje duhet të fitojmë pa balotazh dhe gjasat janë që të fitojmë në shumicën e komunave. E kemi parë me Podujevën ku kemi punuar shumë mirëpo kemi pasur edhe kandidatin e përshtatshëm. Prandaj të punojmë sepse nuk kemi kohë për të humbur sepse ndaj Lëvizjes është duke u zhvilluar një fushatë me qëllim dëmtimin e saj.  Në këto zgjedhje jemi të gatshëm dhe do të bashkëpunojmë edhe me listën Guxo” ka thënë ai. /Gazeta Sinjali/