Me rastin e “Muajit të ndërgjegjësimit të kancerit të gjirit”zv kryeministrja Rexhepi dhe u.d e ministrisë së shëndetësisë qëndruan në Spitalin Rajonal të Prizrenit
Në Spitalin e Përgjithshëm “Prim.Dr. Daut Mustafa” në Prizren, so, janë shënuar një varg aktivitetesh në shënimin e “Muajit të ndërgjegjësimit të kancerit të gjirit”. Me këtë rast në këto evente ishin edhe zv kryeministrja e Kosovës Emila Rexhepi si dhe , UD ministrja e Shëndetësisë Dr. Dafina Gexha Bunjaku, zëvendësministri i shëndetësisë, Dr. Arsim Berisha, drejtor i Qendrës Rajonale. Kurse drejtoresha e spitalit Drejtoresha ekzekutive, Dr. Narqize Arënliu Hoxhaj, pasi ka përshëndetur të pranishmit ka
prezantuar punët që kryhen në spital dhe rëndësinë që kanë aktivitete për këtë sëmundje. “Në
spitalin tonë ofrohen shërbime të shumta shëndetësore, që ndërlidhen me parandalimin dhe
trajtimin e kancerit të gjirit, me synime të rritjes si në aspektin sasior dhe dhe atë cilësor. Ne jemi të përkushtuar që të ofrojmë të gjitha shërbimet dhe kontributin tonë të ndërgjegjesimit dhe solitaritetit për të gjitha gratë, veçanërisht për ato që përballen me sfidën e madhe të luftës ndaj kancerit të gjirit. Gjithnjë e më shumë ka vend për optimizëm, sepse gjithnjë e më shumë gra po e mundin kancerin e gjirit përmes diagnostifikimit të hershëm dhe kontrollimit periodik të këtij armikut të jetës”, – theksoi drejtoresha e spitalit, duke ftuar dhe inkurajuar gratë dhe vajzat që përveç vetkontrollit të shfrytëzojnë mundësinë e parë që kanë për të kryer mamografinë dhe ekzaminimet tjera, me qëllim të zbulimit të kancerit të gjirit në fazat e hershme dhe luftimit me sukses të tij. Në amfiteatrin e spitalit në janë bërë bashkë mantilbardhë, menaxhment dhe mysafirë të shumtë,pos mysafirëve të Qeverisë ishin edhe Dr. Fadil Kryeziu, përfaqësuesja e QKMF-së, Dr. Shpresa Goqaj dhe përfaqësues të shoqatave dhe OJQ-ve.
Dr. Arta Zhubi në hapje të aktivitet pasi ka përshëndetur të pranishmit dhe ka kërkuar nga të
gjithë angazhimin dhe kontributin për ndërgjegjësimin dhe vetëdijësimin që ka diagnostikimi i hershëm i kancerit të gjirit.
Zëvendëkryemistrja, Emilia Rexhepi dhe UD ministrja e Shëndetësisë Dr. Dafina Gexha
Bunjaku, aktivitetin e kësaj natyre e kanë vlerësuar shumë të rëndësishëm dhe kanë ofruar
përkrahjen dhe përkushtimin e Qeverisë, Ministrisë dhe kryeministrit për të mbështetur
shëndetësinë në përgjithësi, ndërsa aktivitete e kësaj natyre në veçanti. Edhe Dr. Fadil Kryeziu, dhe Dr. Shpresa Goqaj kanë vlerësuar aktivitet e këtilla , duke kërkuar bashkëpunim të Spitalit me QKMF dhe QR të SHP-së.
Në kaudër të aktiviteteve janë vizituar edhe hapësirat e Radiologjisë i pajisur me aparaturën e
ultratingullit dhe mamografisë të domosdoshme për diagnostikimin e hershëm të kancerit të
gjirit. Tetori, muaji i ndërgjegjësimit për kancerin e gjirit është një fushatë vjetore ndërkombëtare që synon të shpërndajë informacione dhe të edukojë njerëzit për rëndësinë e shëndetit të gjirit, për zbulimin e hershëm të kancerit të gjirit të gratë dhe vajzat në gjithë botën. Rreziku nga kanceri i gjirit është rrezik që mund të zvogëlohet. Në arritje të këtij synimi secili qyetetar, profesionistë dhe institucion shëndetësor ka rëndësinë e veçantë.
