Mesdita e së dieles me poeten ;-Nasia XHEMALAJ

TAKIMI I PARË

——————————————–

Ai më priste aty ku lamë takimin, poshtë kinemasë,

me një trëndafil të kuq fshehur nën xhaketë,

vonova të shkoja, përgatisja recitalin tim të fjalëve,

siç përgatit parathënien e librit një poet.

Para se të shkoja pasqyra më dëgjonte,

dhe si një e mirë shoqe më ndihmonte,

cilin fustan të zgjidhja, kush më bukur më rrinte,

asnjëra s’më pëlqeu, veç ajo me lule vjollce.

Kisha emocione, takimi ynë i parë

dialog e recital fjalësh thura me mend,

po ku pyet dashuria për leksione e skenarë,

është si rrufeja që të vret në vend.

Sa ju afrova trëndafilin ma zgjati,

me shpejtësinë e erës ma rrëmbeu një puthje,

kot humba kohën me leksionet e gjata,

ku pyet dashuria për “mbishkrime etruske

//www.qendrapress.com/