Një grua humbi jetën pas rënies nga një ndërtesë në Prishtinë, Policia po heton rastin

Një grua humbi jetën pas rënies nga një ndërtesë në Prishtinë, Policia po heton rastinNjë grua ka humbur jetën mbrëmjen e së enjtes në Prishtinë pasi ka rënë nga një ndërtesë në rrugën “Jakov Xoxa”. Policia sot në raportin policor bën të ditur se rasti ka ndodhur rreth orës 18:50.

“…Viktima femër kosovare në rrethana të panjohura dyshohet se ka rënë nga një objekt banesor dhe për pasojë ka mbetur pa shenja jete. Lidhur me rastin njësitë relevante policore dhe ekipi mjekësor kanë dalë në vendin e ngjarjes ku është konstatuar vdekja e viktimës femër kosovare”, thuhet në raport. Me vendim të prokurorit trupi i pajetë është dërguar në IML për obduksion, ndërkaq rasti është duke u hetuar./Teelegrafi/