Sot u bënë 23 vite nga rënia heroike e bashkëluftëtarit Ismajl Kryeziu!-Shkruan Zafir Berisha ish kom. I UÇK-së

                        Ismajl Kryeziu u identifikuar si një nga djemtë më trima dhe i pamposhtur në kauzën për lirin e Kosovës dhe ishte pjesë e organizimeve ilegale të asaj kohe të cilat organizonin demonstrata kundër regjimit, duke u kamufluar me mjeshtëri përmes disa organizatave gjysmë legale si KLMDNJ dhe Partia Parlamentare që filluan të funksiononin në fillim të vitit 1990.

I bindur sikurse edhe shumë nga ne, që Serbia nuk largohet nga Kosova pa grykën e pushkës, Ismajli u bë pjesë e grupeve që përgatiteshin për luftë të armatosur si Fronti i Rezistencës dhe Këshilli për vetëmbrojtje të cilat organizime do të trasonin edhe formimin e celulave të para të UÇK-së në Prizren, ku Ismajl Kryeziu do të luante një rolë të rëndësishëm.

Në vitin 1997 Ismajl Kryeziu përkrah Heroit Xhevat Berisha dhe shokëve të tjerë, ishte në ballë të organizimit të UÇK-së në Prizren dhe flakët e luftës që përhapeshin kudo nëpër Kosovë, shtroj nevojën e përshpejtimit të organizimit luftarakë i cili nuk mbeti pa ra në sy të armikut!

Gjatë luftës 1998/99 Ismajl Kryeziu si anëtar i SH.L të UÇK-së në Jeshkovë të Vërrinit më vonë Br.125, ishte nē ballë të shumë betejave dhe aksioneve të UÇK-së dhe kreu me shumë përgjegjësi detyra me rëndësi në shërbim të lirisë së Kosovës deri më 18.04.1999, ku ra për të mos vdekur kurrë në lagjen e tij të dashur Arbana të Prizrenit!

Lavdi e përjetshme Ismajl Kryeziut dhe të gjithë atyre që u flijuan për Kosovë!

Zafa