Çaste poetike me poetin;-Abdullah BLAKÇORI
PRITJE
——————
Me vjet pritëm të agonte dita
Por shumë zgjati nata
Ajo u bë Nyje e Gordiut
E ne na mbuloi shtrëngata
Për ta zgjidhur atë nyjë
E bën veç uniteti
Që duhet t‘i ngjajë lumit
Që bashkohet me deti
Jemi mësuar të presim
Se pritja ka vlerë dhe peshë
Udha e saj nuk ndalet
As atëherë kur borë resh
Kjo ditë që plagë na u bë
Nëpër re po vjen
Pritja zgjati sa i shekull
Por dritën po na bjen…!
/QendraPress/
