E diela poetike e 7 poezive me 7 poete:Valbona Ahmeti
VESË MËNGJESI
————————–
Rrahin ombrellën ca pika shiu
Një pikë n” faqe do t’ jem unë
Do rrëshqas si vesë mëngjesi
Ta freskoj të prushurën buzë
Ti do ikësh kur shiu ndalet
Lumë do të shtohet malli im
Në çdo cep nata do të shtrihet
Yll i fikur pa tëndin përqafim
Kur do të zgjohesh herët n’ agim
Do hedhësh hapin fluturim
Si një bletë plot nektar
Më ëmbëlson buzën e tharë
Valbona Ahmeti
—————————————
