Ramush Haradinaj: Ndale grevën në arsim ose jep dorëheqje Albin Kurti  

                       Kreu i AAK-së, Ramush Haradinaj, i ka bërë thirrje kryeministrit Albin Kurti ta ndalë grevën në arsim ose të japë dorëheqje.Haradinaj kërkon nga Kurti ta shkarkojë që sonte ministren e Arsimit, Arbërie Nagavci, dhe të merr vendim për hapjen e shkollave.

Postimi i tij:

Ndale grevën ose jep dorëheqje Albin Kurti!Nuk ka një rast tjetër në kohë paqeje që shkollat mbeten të mbyllura një muaj.Kryeministri ose duhet të gjejë zgjidhje, menjëherë, ose duhet ta pranojë se është i paaftë dhe të lëshojë rrugë!Debati që ai e ka hapur me sindikatat, është tallje me një popull dhe shprehje e paaftësisë së tij.Sindikatat mund të jenë aty për t’ia nxirë jetën atij e çdo kryeministri tjetër dhe mund të jenë kundër tij e me dreqin e me të birin, por ai që duhet të gjejë zgjidhje është kryeministri e askush tjetër!Kush je ti që i ke dhënë të drejtë vetes që t’i lësh në rrugë 300 e sa mijë fëmijë!? A e di që e ke bllokuar krejt shtetin me kryeneqësinë tënde!Shkarkoje që sonte ministren e arsimit dhe merr vendim për hapjen e shkollave. Mos shko më larg sepse edhe ashtu ke kapërcyer çdo kufi!

Boll ma!