Fryma poetike e së dilës e Majit me poetin;-Ramadan HAXHIAJ

Balli i nënës

———————————-

Balli i nënës si ara me brazda të mbjella

Me thinjat si bryma mëngjesit vjeshtor

Lotët ia vijëzonin faqet,si vadat në

Livadhe të Verdha

Nëna ime e dashur,nëna ime e madhe

Pasi bënte bukën gati,lante enët

Hynte në vegjë,thurte veshjet për dimër

Ia mbaj mend lëvizjet e duarve,të këmbëve

Në vegjë duke i numëruar penjtë

Ia lexoja mendimet,gëzimet,hallet,vuajtjet

Sa herë e thyer në lotin tim

E përthyer mes vegjës,magjes e oxhakut

Përherë në punë krenare

Nëna ime,zonjë shtëpie,nëna ime e madhe

Në kamje e s’kamje gjithnjë e buzëqeshur

Gjithnjë sytë i shkëlqenin

Nënës sime,i fal dashuri

Fytyra,fjalët,puna,respekti ndaj nënës

Përpara sysh më rrinë

Ti nënë,ishe dhe mbete libër i hapur

Edhe sot t’i lexoj mendimet,ta lexojë dashurinë

Ti nënë ishe lis i madh,rrenjët thellë në tokë të qëndrojnë

I mbështetur në ty,hija jote gjithnjë shpirtin ma freskon.

/www.qendrapress.com/