Thyhet arka e xhamisë në Prizren
Dje në xhaminë e “Sinan Katibi” në Prizren persona të paidentifikuar kanë thyer arkën dhe kanë vjedhur një shumë të të hollave. Rasti është denoncuar nga përgjegjësi i xhamisë, i cili ka raportuar se hajnat kanë vjedhur të gjitha paratë e grumbulluara për bamirësi. Burimet e Gazetës Sinjali brenda Prokurorisë kanë bërë me dije se njësitë policore kanë dalë në vendin e ngjarjes dhe kanë kryer ekzaminimet që ndihmojnë në zbardhjen e rrethanave të rastit.Me urdhër të prokurorit, rasti është cilësuar ‘Vjedhje e rëndë’, ndërsa veprimet tjera ligjore do merren posa të kapen të dyshuarit.
