Fryma poetike e së mërkurës me poeten;-Valbona AHMETI

LINDE BRIGJEVE TË JONIT

Linde brigjeve të Jonit

me agimet e para të Universit

nga thellësi e tij

linden edhe të tjerë popuj

rrënja ishe Ti!

grabitqarët e mbajtën fshehur

historinë tënde të virgjër

nga çdo kënd

të shikonin vrëngër

por, nuk t’u terratisën sytë as mendja

si një spektër drite

nepër mileniume

altarin e shpirtit zbrite

godite me bukurinë e hirshme

me rrënjët e lisave shekullor

e me dashurinë mijëvjeçare

përcolle nëpër breza ylberor

amanetin e shenjtë

të stërgjyshërve pëllazgë

jemi në tokën Amë

përgjatë udhëtimeve të mundimshme

u përplase me dallgë detesh

e me hapësira të errësuara qiejsh

por, të mbajti gjallë

fuqia e urtësisë, e dashurisë,

doket dhe arti yt i rrallë

fluturove me krahët e gjerë

mbi Arbëri dhe Dardani

kudo që frymonte Iliri

ligjerove testamentin e artë

jemi mozaik i një trungu të lashtë

popull Ilir

me besim në Diell!

/www.qendrapress,com/