Vritet një person në Malishevë, i dyshuari dorëzohet në polici
Një person është gjetur pa shenja jete mëngjesin e sotme në fshatin Banjë të Malishevës. Nga Policia e Kosovës kanë thënë për gazetën online Reporteri.net se i njëjti dyshohet të jetë qëlluar me armë zjarri. Sipas Policisë, në lidhje me këtë rast, një person, është dorëzuar në Stacionin Policor në Malishevë dhe nga hetimet e para dyshohet se i njëjti, për motive ende të panjohura, ka qëlluar viktimën me armë zjarri. Rreth orës 07:15 është raportuar se në fshatin Banjë-Malishevë, viktima mashkull i moshës madhore është gjetur pa shenja jetë, dyshohet të jetë qëlluar me armë zjarri. Ekipi mjekësor i cili ka dalë në vendin e ngjarjes ka konstatuar vdekjen e tij. Një person, po ashtu mashkull i moshës madhore, është dorëzuar në Stacionin Policor në Malishevë dhe nga hetimet e para dyshohet se i njëjti, për motive ende të panjohura, ka qëlluar viktimën me armë zjarri. Njësitet e nevojshme policore kanë dalë në vendin e ngjarjes si dhe është njoftuar prokurori i shtetit në koordinim të cilin janë duke u ndërmarr veprimet e nevojshme hetimore”, tha për Reporteri.net zëdhënësi i Policisë, Sheremet Elezaj.
