Fryma poetike e së  dielës  me poeten;Hyrë H.FAZLIJA

Loti…

——————-

Ti, pa fjalë më bie nga syri,

nuk më pyet në më thyen qepallat,

nuk më pyet në më len gjurmë në faqe,

nuk e pyet buzën sa i kripur je…

Ti, nuk ke gjuhë,

nuk nxjerr zë,

nuk gjëmon,

nuk fshan…

Ti, ( nuk) fshihesh;

kristal,

i turbullt,

i vakët,

i njelmët…

Ti, mblidhesh në sy,

zihesh,

vlon,

shpërthen,

derdhesh…

Je çlirim!

261123,

&  &  &

Mos u fsheh…

______________________________

Kur të jesh vonuar

në takim me Hënën,

mos u fsheh pas degëve,

që shpirtin ta mbajnë gjallë…

Dhe nëse nuk të duket asgjë

hija e përndjekjes,

Mos u ringjall,

në pavdekësinë e kujtimeve…

Një ditë…

Eh, një ditë do të thyhen qepallat

në përplasje durimi…

Durimet nuk gjasojnë mes vete,

Kur bëhen njësh, klithin harrim…

Jo, mos u fsheh!

Nuk hahet pa oreks rrezja e fundit e diellit…

070124,

/www.QendraPress.com/

Fryma poetike e së  dielës  me poeten;Drita Kosumi SYLA

ENGJËJT NË TOKË

(Në shenjë falënderimi mikeve të çmuara:

Dr. Valbona Tafilaj , Mimoza Q. Gavrani , Ajshe Gashi – Hajrizi )

Kur themi s’ka engjëj në tokë

të gjithë rëndë gabojmë

ne afër i kemi me ta bisedojmë

Engjëjt në tokë nuk fluturojnë

por jetët tona na bekojnë.

Ato janë miket tuaja e miket e mia

për njerëz si ato ka nevojë shoqëria.

Mëngjesi lind, dita errësohet

me Valbonën, Mimozën e Ajshen,bota mrekullohet

Jeta ka shumë fleta

ngjyra të rënda, të lehta

me engjëjt zemërbardhë

ka arsye jeta…

E sjellin pranverën,kur dielli perëndon

netët e ftohta me zemër i ndriçojnë.

Persona të tillë, lindin rrallë

tokën ku e shkelin ato

lind diell i mbarë.

/www.QendraPress.com/