Çaste poetike me poeten ;Laureta MALAJ
E tillë është jeta !
—————————————
Shume njerëz do të vijnë në jetën tënde,
disa të tjerë do të largohen përgjithmonë.
Si fllade të lehta do të shkojnë ngadalë ,
dhe ndoshta do t’i shohësh ndonjëherë shumë rrallë .
Disa do të prekin zemrën tënde thellë ,
të tjerë s’do t’i kujtosh do të fshihen nga memoria,
do të treten dalëngadalë.
Si kujtime në rërë ,që era i zhduk .
Disa të tjerë me zemrën do të gdhendin skulptura,
që koha dhe largësia kurrë s’i prek dot .
Disa do të largohen, pa zhurmë ,pa shpresë,
në errësirën e natës me hapa të lehtë.
Disa të tjerë do dëshironin mos të njihnin kurrë .
Disa të tjerë do të jepnin edhe jetën që të qëndronin pranë teje .
Disa të tjerë edhe zëri do t’ju mjaftonte të dëgjonin .
E tillë është jeta ,një rrugë me stacione .
Me ardhje dhe ikje ,si deti me valë .
Pranë teje do të mbash ata që s’kanë nguruar
të dhurojnë dashuri edhe pa u kërkuar .
/www.QendraPress.com/
