Fryma poetike e së dielës me poeten:Anila TOTO

ATA

—————————

Ata s’më deshën, por ndenjën këtu

Duke më urryer përditë nga pak.

U afruan ‘përzemërsisht’ si për të kuptuar

Përse rrija larg!?

Pastaj ikën të heshtur drejtë një rruge

Që nuk di nëse kishte ndonjë kuptim.

Pasi morrën gjithshka kisha në mendje

Në fund shkelën emrin tim!

Në këtë natë të qetë duke pirë një cigare

E ndjek tymin me forma të ndryshme.

Nuk më vjen keq për veten fare,

Por për fatet e tyre.

Në fund…

Të gjithë shkojmë nëpër rrugët tona

Ata që na urrejnë dhe ata që na duan .

Unë vetë i lashë edhe pse i njoha

Që më mashtruan …

/www.QendraPress.com/