Fryma poetike e së mërkurës me poetin;Bekim BLAKU

KUJTESË E DËSHIRË

—————————————–

Çdo ditë pak nga pak

Na e vrisnin lirinë,

Të paqenën

E tëra nuk filloi në shekullin e kaluar

Ajo vetëm vazhdoi,

Atëbotë, plagët vetëm sa u thelluan

Më nxorën në rrugë-

“Ty s’të duhet shkolla”,

Unë ia dhashë malit, foli grykëholla

Në mëngjesin e radhës,

Shijuam rrezet e Diellit, lirshëm,

Deri te Dreka e Lamës

Sogjetarët e urës flisnin

Për “këmishën e prerë”(të mbetur e paqepur)

Dikush heshti, e, dikush ua mbajti ison

Të moshuarit thanë, prapë do prishet moti,

Djemtë me vrull u nisën drejt fundit të arës,

U kthjell prapë Qielli

Si rrufe Olimpi u dëgjua

Një e shtënë pas shpine,

Një nëne i rrodhi loti,u qel plagë në zemër

Qoftë ky tagër i fundit

Për Diellin e Lirisë Tënde,

Atdhe.

Bekimi

24 shtator 2024

Berlin

/www.QendraPress.com/