Fryma poetike e së mërkurës me poetin;Leonard PIPA

Nuk u paskam treguar për natën,

———————————————-

Jorganin e çjerë ferrash në thonj inatçorë,

Kulaçin e shpirtit në

kafshita e matëm,

Diej të vegjël zemrash i kemi në dorë.

Nuk paskam treguar për fatin,

Errësira na hante hijet,

Në gulçe të heshtur harruam inatin,

Me kashtë i bashkuam fijet…

S’u paskam treguar për plagët e mia,

Dhe vet çuditem sa paskam marrë!

Rrënjë m’kanë hedhur në trup si hardhia,

Trupi im i brishtë më është çarë.

Nuk u tregoj me pe e gjilpërë,

E ç’tu tregoj histori të trishta!

Netëve nga pak i pres me gërshërë,

I kam shkurtuar dy tre gishta.

Nuk u paskam treguar për nënën,

E gjora plakë tret vështrimin nga rruga në Epir,

Ujqit prapë e kishin kafshuar hënën,

Tim zoti ju luta ti lidhi me zinxhir!

Po këtu jam dhe do t’ju tregoj…

Se si do dali nga shelgjishta e reja zanë,

Në krahët e lodhur t’a shtrëngoj,

I mbytur në shpirtin tim si vullkan!

/www.QendraPress.com/