Fryma poetike e së dielës me poeten:Seli MURATI

Sonte u bëra roje nate,

——————————–

Nata stërzgjat shtatin e vet

mërgojnë agimet përtej,

errësirë qerpikë e fjetur

mbretëron në mua,

në vargu tim kujtimet

shkruajnë për ditët e ndaluara.

Me heshtjen e ngacmuar

sonte u bëra roje nate,

buzëqeshjes, rrezja i këputet,

mbi fletë trëndafili zbarkon shiu,

në nota dëshpëruese ngrihet mallëngjimi.

Melodia e zemrës tënde,

shoqërues nate më është bërë,

furtunë ndjenjash gërsheton shpirti,

pesha e brengave tua

reflektohet në thellësinë e vetmisë

rob i dhembjes bëhem unë.

www.QendraPress.com/