Fryma poetike e së dielës me poeten:Flora PECI

UDHËTIM VJESHTAK

——————————

Përpëlitur shpresa rrëshqiti tej ëndrrës sime

Gjethes vjeshtarake të kuqërremtë i ngjasoi

Tulatur tisi i vetmisë rrapëlliu në portë

Seç humbi nektari i pritur

Seç më mori vjeshta me gjethet e saj

Një bilbil u shndërrua në kukuvajkë

Një korb i krrokati errësirës

Nuk u fika, dritësoj ende në zymtësinë e stinës

Pranverë shndërrova në shpresat e mia..

/www.QendraPress.com/