Çaste poetike me poeten;- Elida PRIFTI

ARDHMJA E FËMIJËVE

————————————–

Në duart e vogla fle një fat i madh,

si farë e brishtë në tokën e jetës,

aty ku bota nis çdo shpresë të re,

dhe kohës i jep kuptim të së vërtetës.

Fëmijët rriten nën qiellin e botës,

me ëndrra të pastërta si drita e mëngjesit,

por varet nga ne nëse lulëzojnë

apo në hije humbin rrugën e shpresës.

Çdo fjalë që themi, çdo hap që hedhim,

shkruan në zemrat e tyre një ligj,

dhe e ardhmja e botës nuk lind rastësisht,

por ndërtohet sot me dashuri e kujdes.

Prandaj mbi jetën e tyre të brishtë,

të mos rëndojë kurrë padrejtësia,

se fati i botës, i qetë apo i errët,

fillon e mbaron në duart e fëmijërisë.

/QendraPress/