Çaste poetike me poeten;-Abide GASHI

DURIMI SHPËRBLEHET

———————————–

Durim kur dimri

të kafshon me acar,

kur gjithçka duket

si e vdekur, pa shpresë

se nën borë

jeta merr frymë në heshtje.

Durim kur fusha

skuqet me lulëkuqe,

sepse nuk është veç pranverë,

por kujtesë gjaku

që nuk thahet kurrë.

Durim për nënat

me sy të tharë nga pritja,

që rritën lirinë

me dhimbje në zemër,

deri sa shiu të pushojë,

e ylberi të lidhë

atë që ishte ndarë.

Se durimi nuk është veç pritje,

është besim që nuk thyhet kurrë,

dhe në fund të çdo stuhie,

ai bëhet dritë për jetën dhe për gurë.

Dhe kur koha e gjykon,

ai del i fortë dhe fitimtar.

30 Prill 2026, Mitrovicë

/QendraPress/