Fryma poetike e së dielës me poeten;-Nexha REÇICA

TI JE ME MUA

————————–

Do të kthehesh…..

si çdo rrugë që e njeh fuqinë e saj,

si çdo mall që s’di tè shuhet.

Ti je me mua-

edhe kur largësia na ndan,

edhe kur jemi pezull

mes tokës dhe qiellit,

edhe kur shiu bie

si një dhimbje e heshtur mbi shpirt.

Unë jam me ty-

pèrtej kohës

përtej hapësirës,

në çdo planet, në çdo frymë,

edhe atje ku jeta përplaset me vdekjen

unë jam.

Sepse dashuria jonë

nuk njeh largësi

ajo vetë ekziston.

/QendraPresss/